شريط يتيمة_عبد الامير البلادي

قصائد شريط " يتيمة "
موسم عاشوراء الحسين (ع) 1426هـ
الشاعر : ملا عطية الجمري + الناصري + عراقي
الرادود : عبدالأمير البلادي



-------------------------------



المقدمة

عِندما سارَت قافلةُ السبايا .. و قد اُركبت النِساءُ و الأطفالُ على ظهور النياق .. و هَموا بالرحيل .. شيءٌ ما إستَوقف فَخرَ المُخَدَراتِ زَينَب .. و كأنه صوت الحُسين عليه السلام و هو يقول: (( الله الله في أطفالي، تفقدي الأطفال يا زَينَب )) .. ففعلت .. و إذا بها تفتقد طِفلةً ِمن أطفال الحُسين .. كانت على جَسَد عَمِها العَباس عليه السلام .. فغلبها النُعاس فمضى عنها الركب .. و هُنا راحَت زَينَب عليها السلام تَستوقف الركب .. لتبدأ بذلك أولى فصول مُعاناتها بعد الحُسين ..

إبنةُ الحُسين عليهُما السلام: عَمَه زَينَب .. إلى أين تَمضونَ عَني .. خُذوني مَعكم .. خذوني عَمه زينب .. خذوني
السيدة زينب عليها السلام: رويدك أيُها الحادي .. إننا نفقتد طِفلةً مِن أطفال الحسين
الحادي: دَعيها .. دعيها تأكلُها السباع و الضباع .. لن يتوقف الركُب من أجلِ طِفلَة
السيدة زينب عليها السلام: لعنك الله يا عدو الله .. أتتركُ طِفلةً في هذا البر الموحش .. والله إن لم تتوقََف لألقي بنفسي من على ظهر الناقة .. و أذهب للبحث عنها
الحادي: كفى كفى .. كفي عن الصُراخ .. سأذهب أنا لِجلبها .. أوقفوا النياق قليلاً .. أين يُمكن أن تكون هذه الطِفلة .. أووه إنها هُناك بجانب النهر .. تعالي أيتُها اللعينة .. تعالي هيا .. هيا تعالي
إبنةُ الحُسين عليهُما السلام و الحادي يضربها: عمه زينب أدركيني .. أدركيني يا عمه


-------------------------------


يتيمة - لملا عطية الجمري

يتيمه .. يتيمة و ضايعه بهلبر .. يا عمة لا تخلوني .. يتيمة
يتيمه .. ريضو يالحوادي النور .. ويا الحرم ركبوني .. يتيمة

يتيمة ..

و فرت وين ﮔـللبي نوب .. تمشي و نوب تتعثر
و نوب من الوجل تصرخ .. مستوحش عليها البر
تصيح وياكم اخذوني .. تراني على المشي مَـﮕدَر

يتيمة ..

آنا وياﭺ مردوفة .. يا سكنة و ما تتالوني ..

يتيمة ..
*** *** ***

يتيمه .. يتيمة و ضايعه بهلبر .. يا عمة لا تخلوني .. يتيمة
يتيمه .. ريضو يالحوادي النور .. ويا الحرم ركبوني .. يتيمة

يتيمة ..

يتيمة ..

سمعت صوتها سكنه .. و غدت تستعطف الحادي
تـﮕله ريض الناﮔـه .. يتيمة بـﮕت بالوادي
خل تركب تعادلني .. عليها ذايب أفادي

يتيمة ..

يبويه ضيعتني البين .. لو من ما يرحموني ..

يتيمة ..
*** *** ***

يتيمه .. يتيمة و ضايعه بهلبر .. يا عمة لا تخلوني .. يتيمة
يتيمه .. ريضو يالحوادي النور .. ويا الحرم ركبوني .. يتيمة

يتيمة ..

يتيمة ..

من صم الصخر ﮔـللبك .. يا خايب ما ترد إلها
يذوب كل ﮔـللب ﮔـاسي .. ببواﭼيها و توسلها
ﮔـال الرجس خليها .. ذياب البر تاكلها

يتيمة ..

و منكم يستريح البال .. بالصايح تأذوني ..

يتيمة ..
*** *** ***

يتيمه .. يتيمة و ضايعه بهلبر .. يا عمة لا تخلوني .. يتيمة
يتيمه .. ريضو يالحوادي النور .. ويا الحرم ركبوني .. يتيمة

يتيمة ..

يتيمة ..

ﮔـالت من على الناﮔـة .. لذب نفسي ترى للـﮕاع
يتيمة و تنتخي بلا عين .. و مدهوشة و ﮔـللبها إرتاع
ياربي و خايفه تمشي .. بهلرمضة و بليا ﮔـناع

يتيمة ..

آنا لو فارﮔـت روحي .. ياهلوادم تلوموني ..

يتيمة ..
*** *** ***

يتيمه .. يتيمة و ضايعه بهلبر .. يا عمة لا تخلوني .. يتيمة
يتيمه .. ريضو يالحوادي النور .. ويا الحرم ركبوني .. يتيمة

يتيمة ..

يتيمة ..

رد ابن الخنا بغيضه .. على الطفلة و لـﮕـاها تحوم
نوب تطيح بالغبرة .. تجر ونة و نوب تـﮕوم
نوب تصيح يا يابه .. و لفاها بصوته الميشوم

يتيمة ..

يلوعها و هي تنخي .. يا هاشم ما تدركوني ..

يتيمة ..
*** *** ***

يتيمه .. يتيمة و ضايعه بهلبر .. يا عمة لا تخلوني .. يتيمة
يتيمه .. ريضو يالحوادي النور .. ويا الحرم ركبوني .. يتيمة

يتيمة ..


-------------------------------



دون الشبان - للشاعر الناصري

دون الشبان وليدي .. دون الشبان
تفصيل أﭼفان ثيابه .. تفصيل أﭼفان

ذاب إفادي .. و ﮔـللبي صادي
لأحواله دون الشبان .. دون الشبان

كل أحوال إبني غريبة .. تفجع ﮔـللوب الحبايب
الناس تتهنى بفرحها .. بالعرس و إحنا بمصايب
زف معرسها عمامه .. و إبني عماته الغرايب

تزفه النسوان وليدي .. تزفه النسوان
نوح و أحزان أحبابه .. نوح و أحزان

دمه خضابه .. صعب مصابه
و أحواله دون الشبان .. دون الشبان
*** *** ***

دون الشبان وليدي .. دون الشبان
تفصيل أﭼفان ثيابه .. تفصيل أﭼفان

ذاب إفادي .. و ﮔـللبي صادي
لأحواله دون الشبان .. دون الشبان

خضاب كل عريس يحنه .. و خضبو وليدي بدمه
قال الملبس الفارس .. ها جات المهجة اُمه
ما بـﮕت للحرم مهجه .. حين نادى الولد عمه

وسط الميدان وليدي .. وسط الميدان
بين الفرسان حرابه .. بين الفرسان

حاطه الصوبين .. نادي يا حسين
و أحواله دون الشبان .. دون الشبان
*** *** ***

دون الشبان وليدي .. دون الشبان
تفصيل أﭼفان ثيابه .. تفصيل أﭼفان

ذاب إفادي .. و ﮔـللبي صادي
لأحواله دون الشبان .. دون الشبان

حسين يا عمي إدركني .. من ﮔـبلل ما تروح روحي
شد هلطبره البراسي .. بعد ضمد لي جروحي
لجل ريحانة الهادي .. و لبني طول الدهر نوحي

شافه لهفان وليدي .. شافه لهفان
جابه الصيوان لأحبابه .. جابه الصيوان

ﮔـللبه مجروح .. دمعه مسفوح
و أحواله دون الشبان .. دون الشبان
*** *** ***

دون الشبان وليدي .. دون الشبان
تفصيل أﭼفان ثيابه .. تفصيل أﭼفان

ذاب إفادي .. و ﮔـللبي صادي
لأحواله دون الشبان .. دون الشبان

و فوﮒ صدر حسين شاله .. تخط فوﮒ الـﮕـاع رجله
شلون بفجعه انفجع ﮔـللبي .. منكسر بالخلق مثله
من شفت ممد وليدي .. بين أخوانه و أهله

فوﮒ التربان وليدي .. فوﮒ التربان
تسفح غدران صوابه .. تسفح غدران

بصدر الوالي .. و آنا شحالي
و أحواله دون الشبان .. دون الشبان
*** *** ***

دون الشبان وليدي .. دون الشبان
تفصيل أﭼفان ثيابه .. تفصيل أﭼفان

ذاب إفادي .. و ﮔـللبي صادي
لأحواله دون الشبان .. دون الشبان


-------------------------------


زينب على - لملا عطية الجمري

زينب على ضيم الدهر صبري
يختي انهتك ستري .. و آنا انكسر ظهري

طلعت الحورة و طلعت سكينة
ينادوني سردال الحرب وينه
ﮔـلها السهم يختي صابه بوسط عينه

و على الشريعة طاح .. منه الدما يجري
*** *** ***

زينب على ضيم الدهر صبري
يختي انهتك ستري .. و آنا انكسر ظهري

يختي يا زينب لو نظرتينه
موزع و آنا بصدري تكفينه
جنبه العلم طايح محد بـﮕـى يشيله

سيفه وﮔـع يمه .. و منه نزل دم ﮔـبري
*** *** ***

زينب على ضيم الدهر صبري
يختي انهتك ستري .. و آنا انكسر ظهري

يختي عضيدي ﮔـطعو ﭼفوفه
يا ليت عين المرتضى تشوفه
ظلت تحن و تصيح بدموعي مذروفه

ﭼـان انذبح عباس .. هتكو العدا ستري
*** *** ***

زينب على ضيم الدهر صبري
يختي انهتك ستري .. و آنا انكسر ظهري

شلون الولي يا حسين خليته
يم الشريعة يعاني منيته
بالله دﮔـلي شـﮕـال يا حسيني بوصيته

ما مر على باله .. يا بو علي ذكري
*** *** ***

زينب على ضيم الدهر صبري
يختي انهتك ستري .. و آنا انكسر ظهري

ما ذكر حالي و لا مصاب بيه
لا ﮔـالي زينب ما لفت ليه
مـﮕدر عليه يا خوي أروح مسبيه

شلون الصبر يا حسين .. والله خلص صبري
*** *** ***

زينب على ضيم الدهر صبري
يختي انهتك ستري .. و آنا انكسر ظهري


-------------------------------


شال طفله حسين بيده - لملا عطية الجمري

شال طفله حسين بيده يخاطب جموع العدا
هذا طفلي يموت ضامي و ذنب منه ما سدى
ويح ﮔـللبي من رفع طفله مـﮕمط و اعتنى
يصيح ﭼـان الذنب مني هذا طفلي ما جنى
عجلو له بـﮕطرة مية ترا عمره دنا
من الضمى يابس لسانه و الـﭽبد متمرده
*** *** ***

شال طفله حسين بيده .. يخاطب جموع العدا
هذا طفلي يموت ضامي .. و ذنب منه ما سدى

ويح ﮔـللبي من رفع طفله .. مـﮕمط و اعتنى
يصيح ﭼـان الذنب مني .. هذا طفلي ما جنى
عجلو له بـﮕطرة مية .. ترا عمره دنا

من الضمى يابس لسانه ..
و الـﭽبد متمرده ..
*** *** ***

شال طفله حسين بيده .. يخاطب جموع العدا
هذا طفلي يموت ضامي .. و ذنب منه ما سدى

صاح بن السعد الرجس .. يا حرمله رد الجواب
لايكون الطفل يرجع .. بالسلامة للأطناب
شوف نحره يلوح مثل .. البدر ما بين السحاب

و الرجس ما لان ﮔـللبه ..
طوﮔـه بسهم الردى ..
*** *** ***

شال طفله حسين بيده .. يخاطب جموع العدا
هذا طفلي يموت ضامي .. و ذنب منه ما سدى

فرفرت روحه و فك .. بوجه ابوه عوينته
و دام ﮔـللب حسن من شافه .. ملولح رﮔـبته
و انحنى يشمه بنحره .. و غسل دمه بدمعته

و رجع و دموعه يهلها ..
و جت سكنه تناشده ..
*** *** ***

شال طفله حسين بيده .. يخاطب جموع العدا
هذا طفلي يموت ضامي .. و ذنب منه ما سدى

ﮔـالت شصاير بخيي .. تمدده فوﮒ الثرى
ﮔـال أنا لا تنشديني .. شوف بحالي شجرى
صدت و لنه مفارﮒ .. و الأوداج مهبره

صرخت و نادت يا خويه ..
شهلذنب منك سدى ..
*** *** ***

شال طفله حسين بيده .. يخاطب جموع العدا
هذا طفلي يموت ضامي .. و ذنب منه ما سدى

طلعت امه من المصيبه .. تصرخ بحال الفضيع
طفل و مضخب بدمه .. آيا عبدالله الرضيع


-------------------------------


ما شفنا بعد عريس - لملا عطية الجمري

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..

شبه الحسن شبل بشوفته وﮔـده
و أبوه الحسن شبه المصطفى جده
ألف ويلاه معفر بالترب خده

خضاب الولد من دمه .. و بيده يكفنه عمه
جرح من الـﮕللب وسمه .. يمشي بغير زفافه
*** *** ***

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..

ليش أشبال هاشم ما يحضرونه
عن يمينه و عن شماله يحفونه
أهم ذولا ولدهم ما يزفونه

من حوله الحريم تدور .. و عمه على النهر معفور
وسفه و الـﮕللب مكسور .. يمشي بغير زفافه
*** *** ***

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..

يا زينب جمعي النسوان من حوله
ما عندنا عشيرة و راحة الدولة
و الي على النهر مطروح بعثو له

دﮔـله الـﮕللب مني ذاب .. و راسي من المصايب شاب
ما شفنا يخويه الشاب .. يمشي بغير زفافه
*** *** ***

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..

يخويه وين عباس و بني عمه
لو مفتوح دربه وصلت يمه
أنا و سكنه و أجيب خضاب من دمه

يا اهل العلم و التدريس .. هذي ساعة التلبيس
ما شفنا بعد عريس .. يمشي بغير زفافه
*** *** ***

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..

ﭼـان تريد خويه تزفه النسوان
مر بينا يا نور العين بالشبان
ما لازم تنخي الـﮕضو بالميدان

الصيوان مطروحه .. ﭼبيدتنا المذبوحة
عايف جاسم بروحه .. يمشي بغير زفافه
*** *** ***

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..

على زهوة شبابه لسكب دموعي
و على مياد طوله لحني ضلوعي
من فراﮒ المدينة ماسكً روعي

معرس و الحسن وينه .. نهنيه و يهنينا
و ينظر درة عيونه .. يمشي بغير زفافه
*** *** ***

ما شفنا بعد عريس .. يمشي بغير زفافه
غير ابن الحسن جسام .. ياليت الحسن شافه

ياليت الحسن شافه ..


-------------------------------


هالسيف الشرقها - لملا عطية الجمري

هالسيف الشرﮔـها هامتك يبني ..
حـﮓ جدك براس الـﮕللب صوبني ..

ليه لا تصد بالعين تشجيني
لا تجدب الونه يا ضيا عيني
يالكبر ونتك بالـﭽبد تكويني

سيف الـﮕطع أوصالك ..
و رمح الخرﮒ دلالك ..

و إنته ملوح بصدر الفرس يبني ..
حـﮓ جدك براس الـﮕللب صوبني ..
*** *** ***

هالسيف الشرﮔـها هامتك يبني ..
حـﮓ جدك براس الـﮕللب صوبني ..

( يا شبه جدي بخلقه و منطقه و صورته .. و يا شبه حيدر أبويه بكرته و صولته .. و يا شبيه أمي الزهراء بقصر عمري و مدته .. و من عمك الجود )

علا منه النحيب و سمعت الحوره
و طلعت صارخه من الخدر مذعوره
شبلك طيحته يحسين مخطورة

ﮔـلي يا عزيز الروح ..
خويه الـﮕللب كله جروح ..

نحبك من سمعته شلون ذوبني ..
حـﮓ جدك براس الـﮕللب صوبني ..
*** *** ***

هالسيف الشرﮔـها هامتك يبني ..
حـﮓ جدك براس الـﮕللب صوبني ..

و أبو السجاد بس ما سمعت صرختها
كسر ضيمة وليده بسبب طلعتها
خلى الولد من عاين الوﮔـفتها

دعناها و هو ينادي ..
طلعت فتت افادي ..

صوتـﭻ يالوديعة انسمع و أشعبني ..
حـﮓ جدي براس الـﮕللب صوبني ..
*** *** ***

هالسيف الشرﮔـها هامتك يبني ..
حـﮓ جدك براس الـﮕللب صوبني ..

رجعت للخدر تمسح دموع العين
و لن ليلة تـﮕلها شعلم أخوﭺ حسين
رد للمعركة ينحب و الاكبر وين

رد محنيه ضلوعه ..
ﭼنه يكفكف دموعه ..

بواﭼيها سهم مبرود و أنشبني ..
حـﮓ جدﭺ براس الـﮕللب صوبني ..
*** *** ***

هالسيف الشرﮔـها هامتك يبني ..
حـﮓ جدك براس الـﮕللب صوبني ..

ذايك طاح الأكبر رايح يجيبه
و عليـﭻ تلبسينه و علي تخضيبه
يا ليله و لا يروح الأمل بالطيبه

شباب و لا ﮔـضو طاره ..
شعل وسط الـﮕللب ناره ..

و من صيحة أخوي حسين آه يا بني ..
حـﮓ جده براس الـﮕللب صوبني ..
*** *** ***

هالسيف الشرﮔـها هامتك يبني ..
حـﮓ جدك براس الـﮕللب صوبني ..


-------------------------------



يا روحي يا جسام - لشاعر عراقي

يا روحي يا جسام .. خانة بيك الأيام
يالبحرين دمه .. لجل الاسلام

آه يابني يا جسام ..

عريس الشهادة البلحرب صار .. دامي الحنا دمك
يالسجلت بالطف أعظم أدوار .. من ناصرت عمك
بفراﮔـك دليلي يسعر هناك .. و أسمع صرخت امك

بعد شيصبر الروح ..
عليك الـﮕللب مجروح ..

المنيه خطفتك من بين الخيام ..
يا روحي يا جسام ..
*** *** ***

يا روحي يا جسام .. خانة بيك الأيام
يالبحرين دمه .. لجل الاسلام

آه يابني يا جسام ..

يا ريع الـﭽبد شيصبر المفجوع .. من جور المصايب
أمل ﮔـللبي مثل منحرك مـﮕطوع .. بسيوف النوايب
أريد أعلـﮓ شموعك بين الضلوع .. يا نبراس الكتايب

يابني الحسن أنخاك ..
و أبعث روحي وياك ..

بل ﭼن جرح ﮔـللبي الليلة يلتام ..
يا روحي يا جسام ..
*** *** ***

يا روحي يا جسام .. خانة بيك الأيام
يالبحرين دمه .. لجل الاسلام

آه يابني يا جسام ..

يا جاسم والدك تنذبح وصه .. تتقدم ضحيه
و بهاي الشهادة غفت عيناك .. بفراش المنيه
وصاك الحسن تتحنى بدماك .. لا تنسى الوصيه

و عمك نادى هلصوت ..
خالد تظل ما تموت ..

ﮔـللبي و ﮔـللبك و ﮔـللب الحسن هام ..
يا روحي يا جسام ..
*** *** ***

يا روحي يا جسام .. خانة بيك الأيام
يالبحرين دمه .. لجل الاسلام

آه يابني يا جسام ..

ﮔـلب اُمك مثل جسمك المصيوب .. صوب بالمصيبه
ما حسنت اشوفك يابني مخضوب .. من جثه سليبه
علينا بكربلاء هلأمر مكتوب .. أظل بالطف غريبه

ﮔـللبي من الحزن ذاب ..
هام بجنح المصاب ..

و هاشم إلك نشرة سود الاعنان ..
يا روحي يا جسام ..
*** *** ***

يا روحي يا جسام .. خانة بيك الأيام
يالبحرين دمه .. لجل الاسلام

آه يابني يا جسام ..


-------------------------------


عباس يا ذخري يا غالي - للناصري

عباس يا ذخري يا غالي .. ما تـﮕوم تنده لك عيالي
للماي .. يا حشاي .. تنده لك عيالي

تنده لك عيالي ..

هاي تاليها يا خويه تعوفني بين الأعادي
تدري بيه هلعساكر حايطه و ضايـﮓ الوادي
توعى و افتح لي عيونك ﭼـان تسمعني أنادي

يا عمود بيت الي تهدم ..
يكفي الطفل الي تيتم ..

للماي .. يا حشاي .. تنده لك عيالي
*** *** ***
عباس يا ذخري يا غالي .. ما تـﮕوم تنده لك عيالي
للماي .. يا حشاي .. تنده لك عيالي

تنده لك عيالي ..

شال راسه من الترايب حطه بحجره الشفيه
يمسح الدم عن جبينه ينفض تراب الوطيه
إنتبه عباس و ندا يا فارس إمهلني اشويه

لحسين خويه يجي و اودعه ..
عباس ﭼنه يصيح أسمعه ..

للماي .. يا حشاي .. تنده لك عيالي
*** *** ***
عباس يا ذخري يا غالي .. ما تـﮕوم تنده لك عيالي
للماي .. يا حشاي .. تنده لك عيالي

تنده لك عيالي ..

تحسر و صبت دموعه من سمع مهجة الهادي
يـﮕله آنا حسين جيتك من صرت بإسمي تنادي
ترى مصرعك ضيـﮓ بعيني الواسعه و فتت افادي

يا طود يا سور الهواشم ..
يا حيف يا عز الفواطم ..

للماي .. يا حشاي .. تنده لك عيالي
*** *** ***
عباس يا ذخري يا غالي .. ما تـﮕوم تنده لك عيالي
للماي .. يا حشاي .. تنده لك عيالي

تنده لك عيالي ..

شال راسه ابو الفضل من حجره خيه
للوطيه ( للعباس عدة مشاهد .. المشهد الأول حينما أراد أن يشرب الماء .. و تذكر عطش أخاه الحسين .. رمى الماء من كفه .. و هذا المشهد الثاني .. حينما وضع الحسين رأس أخاه العباس في حجره .. شال راسه ابو الفضل من حجره خيه للوطيه .. و رجعه حسين و يرده للثرى راعي الحميه .. ثلاث مرات و يرجعه .. و خاطبه بلهجه شجيه )

عباس يشجي لي ونينك ..
ما تريد امسح دم جبينك ..

للماي .. يا حشاي .. تنده لك عيالي
*** *** ***
عباس يا ذخري يا غالي .. ما تـﮕوم تنده لك عيالي
للماي .. يا حشاي .. تنده لك عيالي

تنده لك عيالي ..


-------------------------------


زينب حايره - لملا عطية الجمري

زينب حايره الليلة بالأيتام ..
زينب حايره الليلة بالأيتام ..

تصيح الملتجى وين ..
تصيح الملتجى وين ..
حسين ..
هلـﭻ كلهم على حر الثرى نيام ..
هلـﭻ كلهم على حر الثرى نيام ..

و تهل دمعة العين ..
و تهل دمعة العين ..
حسين ..

العفوااا